Aínda que o peregrino de hoxe en día xa ben coa lección estudada, nunca está de máis un lugar no que poder resolver as súas dúbidas a pé do camiño, un lugar no que interactuar coa xente local e onde poder asesorase. Para isto foi creado o Punto de Información ao Peregrino, localizado no lugar de Hospital, pouco antes da bifurcación do Camiño de Santiago a Fisterra e Muxía.

​

Aquí o peregrino atopará toda a información relacionada co camiño, coas etapas, o aloxamento, o transporte público e privado,… Así como poder cumprir cunha das tradicións do peregrino: selar a súa credencial.