Singularidade

Existe un lugar onde o río culmina fundíndose co Océano Atlántico; un lugar de lendas, un lugar máxico onde o río se transforma en fervenza para bicar a auga salgada do mar.

​

O río Xallas, tamén coñecido como río Ézaro, determina o carácter do Concello de Dumbría. Atravésao de norte a sur ata desembocar na súa máxima expresión en forma de fervenza directamente sobre o océano; é así como nace a Fervenza do Ézaro, un exemplo único de desembocadura fluvial deste tipo en Europa.

​

Antes de converterse en fervenza, o río é retido por catro encoros: A Fervenza, A Ponte Olveira, Castrelo e Santa Uxía. Entre este último encoro e a fervenza, a forza da auga e a resistencia da pedra crearon as pías ou caldeiras, as cavidades naturais construídas ao logo dos séculos polo río. No seu último tramo ten un desnivel de 155 metros e a altura da fervenza é de 40m; un pouco máis que a estatua do Cristo Redentor de Río de Xaneiro (38m).

​

Un pouco de historia

Ata mediados do s.XIX, o río Xallas coñecíase como Río Ézaro ou Lézaro. Así se constata nas fontes cartográficas da época. A primeira referencia cartográfica coa denominación actual, Ézaro, aparece na Descrición do Reyno de Galizia (1598); polo que xa ven de vello...

​

WEBCAM Fervenza

Dende abril de 2011 a Fervenza do Ézaro está sempre con auga; as 24 horas do día e durante os 365 días do ano. O único horario que debes ter en conta é o do espectáculo audiovisual da Fervenza do Ézaro nas noites do Verán. Un espectáculo único, unha combinación máxica de auga, pedra, vexetación, luces, cores e música… 

 

Lembra que podes gozar deste espectáculo natural calquera día do ano! Se aínda non o cres, fai clic no seguinte enlace e mira a Fervenza do Ézaro en directo!