Olveiroa é unha das mecas do peregrino no seu Camiño de Santiago a Fisterra-Muxía. Un lugar revitalizado grazas ao camiño, grazas aos peregrinos e grazas á súa xente. Olveiroa é o lugar onde o peregrino finaliza unha das súas etapas antes de poñerlle fin ao seu camiño; unha parada para repoñer forzas.

​

Unha aldea que tiña como destino final a desaparición, pero que grazas ao impulso do Camiño Fisterra-Muxía soubo reconverterse e transformarse nun lugar de acollida para os peregrinos procedentes de todos os puntos do mundo.

​

É aquí onde se localiza o primeiro albergue municipal do Concello de Dumbría e onde a oferta de aloxamento e restauración trata de facilitarlle a estadía dos camiñantes. En definitiva, un lugar de acollida dos numerosos peregrinos que optan por este itinerario xacobeo.

​

Na actualidade destaca por ser unha aldea renovada, co seu patrimonio restaurado, unha aldea revitalizada e na que se concentra o maior número de hórreos por habitante; hórreos que ao caer á noite poden verse iluminados. 

Todo un espectáculo para os sentidos…

​

#DumbríaéTurismo

#DumbríaéPatrimonio

#DumbríaéCamiño