Fot: Santi Garrido

MUÍÑOS DO ÉZARO

Facendo esta ruta visitarás as zonas de maior interese etnográfico do Ézaro, entre as que destacan o reconstruído Muíño de Louredo, o paseo marítimo e a desembocadura do Xallas-Ézaro, para logo rematar no CIR – Centro de Interpretación de Rutas Monte Pindo e Fervenza do Ézaro.
Son varios os muíños que poden verse no Ézaro ao longo do curso do río Rosa. Un dato curioso é que os muíños herdaban os seus nomes de alcumes dos seus antigos propietarios, da súa antigüidade ou ben de nomes senlleiros, destacando nomes como: o Muíño da Rejacha, o de Roque, o Vello ou a Moíña, entre outros.
O emprazamento do Muíño de Louredo debía ser ideal para a mel, xa que existen restos de antigas colmeas de pedra situadas ao seu carón, e tamén outras máis novas nos seus arredores.
Era habitual que o muíño fose de varios propietarios, tendo cada familia asignado un día determinado para ir moer o millo. No caso de non poderen acudir no seu día, debían agardar ata a quenda da semana seguinte.
O tramo do río onde se localizan o maior número de muíños tamén era empregado para lavar as roupas de cama e poñelas ao clareo.
Fai centos de anos o movemento da auga empregábase nas fábricas. Hoxe en día, as presas e os saltos de auga utilízanse principalmente para a produción de electricidade nas centrais hidroeléctricas, como as que se poden ver a carón da Fervenza do Ézaro.
Características da ruta:
  • Lonxitude do trazado: 4.000m (+/-)
  • Pendente media: 6%
  • Cota de inicio: 7 msnm
  • Cota de fin: 91 msnm
  • Desnivel: 84 m
  • Dificultade: media - baixa 
  • Duración: 1:30h (ida)
#DumbríaéTurismo
#DumbríaéDeporte
#DumbríaéNatureza
#DumbríaéHistoria
  • Blanca Facebook Icono
  • Twitter Icono blanco
  • Blanco Icono de Instagram
  • Blanco Icono de YouTube
  • Blanco Icono Pinterest

Volver arriba

Estrada de Dumbría s/n,

15151 Dumbría

A Coruña

LogoDumbria2.png
Logo Vakner.png
DumbriaXTI3.png